அதிகாரசபை சட்டத்தின் கீழான தவறுகள

ஏதேனும் பண்டத்தில் உள்ள சுட்டுத்தண்டு, விவரணம் அல்லது விலைக் குறிப்பை அகற்றுதல், மாற்றுதல், துடைத்தழித்தல், தேய்த்தழித்தல் அல்லது உருவழிக்கின்ற அல்லது அவ்வாறானவற்றைச் செய்த பண்டங்களை விற்பனை செய்கின்ற நிலைமை. (பிரிவு 10)
பண்டத்தின் உற்பத்தி, இறக்குமதி, சந்தைப்படுத்தல், களஞ்சியப்படுத்தல்,; சேமித்து வைத்தல், விற்றல் சம்பந்தமாக விடுக்கப்பட்ட பணிப்புரைகளை மீறுதல். (பிரிவு 10)
பண்டங்களுக்கு சுட்டுத்துண்டு ஒட்டுதல், விலை குறித்தல், பொதிகட்டுதல், விற்பனை செய்தல் தொடர்பில் விடுக்கப்பட்ட வேறேதேனும் பணிப்புரைகளை அமுலாக்கத் தவறுதல். (பிரிவு 10)
பணிக்கப்பட்ட விலைக்கு அல்லது குறிக்கப்பட்ட விலைக்கு மேலாக பண்டங்களை விற்பனை செய்தல். (பிரிவு 11)
அதிகாரசபையினால் விதித்துரைக்கப்பட்ட நியமங்களுக்கும் அளவுக் குறிப்பீடுகளுக்கும் அமைவாக பண்டங்களை உற்பத்தி செய்யவும் சந்தைப்படுத்தவும் தவறுதல் (பிரிவு 13)
அதிகாரசபையினால் விதித்துரைக்கப்பட்ட நியமங்களையும் அளவுக் குறிப்பீடுகளையும் மீறுதல் அல்லது உற்பத்தியாளரால் அல்லது வியாபாரியால் வழங்கப்பட்ட கட்டுறுத்தல்களை மீறுதல். (பிரிவு 13)
உடன்பட்ட ஆகக்கூடிய விலை அல்லது நியமத்துடன் தொடர்புடையதாக பண்டங்களை வழங்குவதாக எவரேனும் உற்பத்தியாளர் அல்லது வியாபாரியுடன் அதிகாரசபை ஏற்படுத்திக்கொண்ட உடன்படிக்கைகளின் நிபந்தனைகளை மீறுதல். (பிரிவு 14)
வியாபாரியால் தனதுடைமையில் அல்லது கட்டுக்காவலில் அல்லது கட்டுப்பாட்டில் வைத்துள்ள பண்டத்தை விற்க மறுத்தல். (பிரிவு 15)
வியாபாரியால் தனதுடைமையில் அல்லது கட்டுக்காவலில் அல்லது கட்டுப்பாட்டில் பண்டங்கள் இல்லையென மறுக்கப்படல் அல்லது நிபந்தனைக்கமைய விற்றல். (பிரிவு 16)
எவரேனும் வியாபாரியால் வழமையான சொந்தத் தேவைகளுக்கு மேலதிகமாக எவையேனும் பண்டங்களை பதுக்கிவைத்தல். (பிரிவு 17)
பண்டங்களுக்கு விலைகுறித்தல் அல்லது விலைப்பட்டியலை வர்த்தக நிலையத்தில் துலாம்பரமாக வெளிக்காட்டி வைக்காமை அல்லது அவ்வாறு செய்ய மறுத்தல். (பிரிவு 26)
வியாபாரியொருவர் பாவனையாளரை பிழைவழி உய்;கும் அல்லது ஏமாற்றும் இயல்புடைய நடத்தையில் ஈடுபடல். (பிரிவு 30)
பண்டங்கள் அல்லது சேவைகள் குறிப்பிட்டவொரு நியமத்திலானது எனக் கூறுதல், பண்டங்கள் புதியனவென பொய்யாகத் திரித்துக் காட்டுதல், விலையை அதிகரித்தல் அல்லது விலைக்குறைப்புக்கள் பற்றிய பொய்யான கூற்றுக்களை விடுத்தல் அல்லது அவ்வாறு பிழைவழி உய்க்கும் வேறு செயல்களில் ஈடுபடல். (பிரிவு 31)
பண்டங்கள் அல்லது சேவைகளை வழங்குதல் தொடர்பான கட்டுறுத்தல்கள் (உத்தரவாதச் சான்றிதழ்) அல்லது அவற்றில் அடங்கியுள்ள நிபந்தனைகளை மீறுதல். (பிரிவு 32)
போட்டியெதிர்ப்பு நடைமுறைகள் அல்லது தனியுரிமைச் செயற்பாடுகளில் ஈடுபடல். (பிரிவு 34)
அறிக்கைகள், ஆவணங்கள் மற்றும் தகவல்களை வழங்குமாறு அதிகாரசபை வேண்டுகோள் விடுக்குமிடத்து அத்தகவல்களை வழங்கத் தவறுதல் அல்லது தகவல்களை வழங்க மறுத்தல். (பிரிவு 57)
அதிகாரசபையினால் மேற்கொள்ளப்படுகின்ற புலனாய்வுகளில் பங்கேற்கத் தவறுதல். (பிரிவு 57)

Last Updated on Tuesday, 21 December 2010 07:46